رواية إذا ناداك الحب الفصل الأول 1 بقلم سلمى سعيد
رواية إذا ناداك الحب الجزء الأول
رواية إذا ناداك الحب البارت الأول
رواية إذا ناداك الحب الحلقة الأولى
: انتو مجانين دي مجنونة عايزنا نخطف واحدة مجنونة..لا واخوها ظابط كمان يعني هنروح في داهيه
: داهيه ايه يا برنس..دا احنا معانا ابن اهم عائلة في البلد ..ولا ايه يا أمير
كان أمير قاعد مكان السواق وصحابه الاتنين بيتكلمو حواليه، بس هو مكنش همه حاجة من اللى بيقولوها خالص بس رد على صحبة : اه طبعا..متخفوش انا معاكم..المهم البت حلوة
حسن صحبه: صاروخ يا أمير..صاروخ انت اول لما تشوفها هتعرف معنى كلامي
امير: ودي هنجبها إزاي دي بقي
حسن: لا احنا مش هنجيبها..هي هتنزل دلوقتى من العمارة
امجد: ده ازاي ده مش بتقول انها متخلفة يا ابني..هتنزل ازاي لوحدها
حسن: شايف السوبر ماركت ده،كل يوم بتنزل تجيب حاجة منه في الوقت ده و الدادة بتاعتها بترقبها من التراس..احنا بقي هنخدها بسرعة في العربية ونمشي
امير باستغراب: دادة..قالتلي البنت دي عندها كام سنة.
حسن: 20 سنة بس ايه بدماغ عيلة في حضانة
امجد : ودا من ايه دا
حسن: معرفش احنا جينا العمارة هنا من زمان وكانوا هما في الدور اللي تحتنا علطول وشوفتها قبل كده في الاسانسير مع اخوها..بس ايه يا امجد وتكة..اهه نزلت
بص امير وامجد على مدخل العمارة شافو بنت زي القمر خرجه منها ..قصيرة وبشرتها بيضاء وعيونها عسليه وشعرها طويل جدا..لبسة ترنج رياضي احمر ومسكة دبدوب على شكل بندا ولبسة لكلوك في رجلها على شكل قطة
حسن:يالا يا أمير اتحرك
وفعلا وبتهور اتحرك امير بالعربيه ميعرفش المصيبة اللي بيوقع نفسه فيها مع صحابه الفاسدين..اللي قررو بكل قلب قاسي يخطفو بنت مريضة عشان يغتصبوها.
حسن بامر:اطلع يا أمير بسرعة على اي حته
__________ روايات سلمي سعيد ___________
في حفلة راقيه جدا فيها ناس كتير اوي من اكبر العائلات..الحفلة دي كانت معموله على شرف مجموعة المصانع الجديدة اللي انضمت لمجموعة الزهران
كان ياسين الزهران واقف في حته بعيده شويه عن الحفلة بيراقب النجاح اللي وصله واللي وصل اسم عائلة زهران بيه ، بس غريبه اوى انه مش حاسس باي انجاز في اللي حصل رغم كل حاجة..ورغم كل نجاحاته إلا ان كل ده مش مخليه مبسوط ،ودي حاجة غريبة جدا جدا
” ياسين زهران..كبير،عائلة زهران بعد موت ابوه..عنده ٣٠ سنة وسيم جدا جدا ورياضي و بيلعب ملاكمة..طبعه هادي رغم شدته، بس بيحب الهدوء والنظام “
آسيا : ايه يا ياسين بيه بتفكر في ايه
ياسين: قولتلك قبل كده يا آسيا برا الشغل انا ياسين بس، ياسين ابن عمك وبس
اسيا: انا اسفة مختش بالي
ياسين: انتي مش مع الضيوف ليه يا آسيا
آسيا : مفيش ماما بعتاني ليك اشوف مالك سرحان ليه
ياسين: هي بعتاكي حباً فيا ولا مصلحة
اسيا : عيب عليك يا ياسين..مصلحة طبعاً
ابتسم ياسين ابتسامة جانبية، وآسيا ضحكت جامد
آسيا : طبعا هي بعتني ليك عشان اتنحنح عليك وحضرتك تقرر تتجوزني
ياسين: هي مش بتزهق الست دي
آسيا: ابدا وحياتك عندها اصرار غريب اوي اننا نتجوز..متعرفش ان انا وانت معندناش حاجة نديها لبعض..انت ضيعت عمرك على العيلة دي وانا ضيعت نفسي بسبب غبائي
ياسين: انا مضيعتش عمري عشان حد..دا واجبي يا اسيا و مسؤوليتي
آسيا: دا كلام بتضحك بيه على نفسك يا ابن عمي
ياسين: سيبك مني..فين امير مش ظاهر ليه
اسيا : اختفي بعد ما شاكي هانم ادته محضره أنه لازم يتحمل المسؤولية ويشتغل معانا في الشركة ، فساب كل حاجة وخرج مع صحابه
ياسين: في حرس معاه
آسيا: لا مفيش..انت عارف بيهرب منهم
ياسين بغضب : ازاي يعني اسيا انا مش ناقص مصايب..خلي الحرس يدورو عليه ويخلو عنهم عليه علطول
آسيا : حاضر هبلغهم بعد اذنك
مشيت آسيا ودخلت الحفلة، و كل الناس لما شفوها وخصوصا الرجالة كانوا عنهم عليها..بسبب جمالها الملفت والقوي في نفس الوقت
” اسيا خالد زهران..٢٥ سنة جميلة وزكية..شعرها اشقر مصبوغ وقصير..طويله و شخصيتها قويه جدا ومبتعملش حساب لحد..والايد اليمين ل ياسين”
آسيا: عرفتو امير فين
الحارس : عرفنا يا هانم ، انا كنت لسه هاجي لحضرتك
اسيا: ليه في ايه
الحارس بتوتر: جالنا خبر من المزرعة ان امير بيه هناك مع صحابه واا
أسيا: و ايه؟
الحارس: معاهم واحدة بتصرخ وتقريبا كده خطفنها
ياسين كان جاي ورا آسيا وسمع الحارس
ياسين بغضب : جهزولي العربية حالا
آسيا: اهدا يا ياسين انا هروح مع الحرس و احل الموضوع
ياسين : انتي هتفضلي هنا مع الضيوف وانا هتصرف مع الحيوان دا
اسيا: اهدا يا ياسين لو سمحت
ياسين: اهدا، اهدا ايه انتي مش سمعة اخوكي الحيوان وصل لمرحلة انه يخطف بنات الناس يا هانم..بس اقسم بالله المرادي ما هسكت على عميله يا اسيا
________روايات سلمي سعيد__________
في مقر سري للمخابرات وفي غرفة العمليات كان الكل بيشتغل بتركيز عالي جدا،و اولهم “الرائد اكرم صالح ، ٣٠ سنة ظابط مخابرات ،ذكي و وسيم و طيب بس شديد جدا في الشغل ..طويل وعيونة سودا”
فون اكرم رن
اكرم: خير يا دادة زينب جميلة نامت ولا لسه
زينب ببكاء: الحقني يا أكرم جميلة اتخطفت
اكرم هب واقف وهو مصدوم من اللي بيسمعه، اخته اتخطفت..جميلة اتخطفت، جه صوت دادة زينب في الفون وفوقه من صدمته
دادة زينب: الحق اختك يا اكرم
كرم: احكيلي كل حاجة حصلت بالتفصيل يا دادة
_________روايات سلمي سعيد__________
( آسيا )
انا اللي اتسرق قلبي واتحرقت روحي، انا اللي الضربه متموتنيش وخلقت مني آسيا زهران الجديدة..سيدة الاعمال اللي بينحني قدمها اقوى الرجال
الضربة اللى متموتش تقوي، هو دا الصح والأصح ،مكنتش فاهمة دا زمان لحد ما الايام علمتني و وجعتني لدرجة قتلت آسيا الساذجة البريئة وخلقت واحدة تانية، كل يوم بتبص في المرايا متعرفش هي مين..بتدور على نفسها بس مش بتلاقيها..بتدور على واحدة ميتة ملهاش وجود
اللي قتلها راجل ادته كل حاجة ونسيت تاخد منه، ثمن البرائة والحب والرقة اللي كانو فيها وهو شوهم وحولهم لسذاجة ولدت الذكاء الشيطاني والغباء اللي علمها انها تاخد و متديش
كانت آسيا بتكلم نفسها وهي مشيه بين الناس في الحفلة وبتبتسم رغم حزنها، رافعة راسها رغم انكسار قلبها
فاقت من شرودها على صوت والدتها اللي ظهرت قدمها فجاة
شكريه: ايه يا اسيا فين ياسين ،وانتي مش معاه ليه
اسيا: شكريه هانم انا مش فضيه للكلام الفارغ ده دلوقتي
شكريه بغضب: ايه شكريه دي يا بنت ، اسمي شاكي هانم. شاكي مش شكريه انتي فهمه
ابتسمت اسيا بسخريه، على امها و تصرفتها المتصابيه دي..لبسها القصير واللي مش لايق عليها والميك اب الاوڤر دا غير،انها بتستعر من اسمها كمان
” شكريه سيد الزيات..اشتغلت في أحد شركات الزهران سكرتيرة لحد ما وقعت خالد زهران الابن التاني للعيلة في حبها واتجوزته عندها ٥٥سنة..وخلفت اسيا وامير توأم”
اسيا: اسفه يا شاكي هانم، ممكن تسيبني بقى عايزة اشوف الضيوف
شكرية: خلاص مش مهم ، المهم شايفة الرجالة بتبص عليكي ازاي هتطلعي من عينيهم بحلاوتك وشياكتك
اسيا بضيق: انتي بتقولي ايه ، ايه الجنان ده
شكرية: جنان ايه..اسكتي انتي مش فهمة حاجة خالص
اسيا: براحتك انا مشيا
________سلمي سعيد_________
في نفس الوقت كان ياسين في العربيه و وراه الحرس رايحين المزرعه اللي على طريق الفيوم
كان السواق بيسوق بسرعة رهيبة بسبب غضب ياسين اللي خلاص جاب اخره من امير اللي كل يوم يعمل مصيبة واخرهم انه خطف واحدة والله اعلم هيعمل فيها ايه هو وصحابه.
مش قادر يصدق ان دا امير اللي بيعتبره اخوه الصغير انه يوصل للمرحلة دي ويبقي مجرم ،بس هو مش هيسكت المرادي والعقاب هيكون وخيم
وفي مزرعة جميلة جدا و وسعة ،كأنها غابة وفي النص بيت كلاسك وعصري في نفس الوقت وجميل مكون من طابقين وكل الاثاث مترتب بعنايه و ذوق راقي كلاسيكي عصري
قاعد امير مع صاحبه حسن وامجد يضحكو ويشربو خمرا
حسن: ايه يا جماعة احنا هنقضيها شرب بس ولا ايه
امجد: ما هو على يدك ، البت عمالا تصرخ من ساعت ما جت
حسن: سبهالي انا ههديها
امير: ازاي أوعي تكون هتأذيها
حسن بسخرية: نأذيها، دا على اساس ان احنا خطفنها عشان نلعب معاها كوتشينا
امير: مقصودش ، انت هتعمل معاها ايه عشان تهدا
حسن: عادي انا عامل حسابي وجايب حقنة مخدرة ، هتهديها خالص
امجد: يا ابن الابلسة، دا انت واضح انك بتعزها اوي
حسن بخبث:بعزها بس ، والله انا مستخصرها في الهبل وقلت نتنفع منها بحاجة
امير: طب انجز بقي روح اديها الحقنة دي خلينا نخلص..صدعتني من صرخها وتخبطها على الباب
حسن: تمام، بس قولي يا امير انت مطمن ان مفيش حد هنا ولا حد هيطب علينا
امير: لا مفيش حد هنا غير حارسين وانا مظبطهم، و ياسين واسيا في الحفلة يعني محدش مركز معايا متقلقش
امجد: استنو استنو، سامعين..مفيش صوت خالص جاي من الاوضه
امير: شكلها تعبت من الصراخ انا هروح اشوفها
وصل ياسين المزرعة، نزل من العربيه ودخل بسرعة البيت يلحق البنت المسكينة
لف عشان يدخل من الباب والوراني الازاز عشان ميعملش صوت ويشوف أمير وأصحابه بيعملو ايه
بس اول لما لف اتصدم من اللي شافه بنت واقفه على سور البلكونة ، مش شايف اي حاجة من ملامحها بسبب ان شعرها الكثيف مغطي على وشها
زادت صدمته اكتر لما لاقي البنت بترمي بنفسها لقدام ،جري بسرعة عشان يلحقها و وراه الحرس في نفس الوقت اللي البنت رمت نفسها فيه ونزلت في حمام السباحة في نفس اللحظة ياسين رمي نفسه وراها عشان يلحقها
طُرق كثير بتوصل اقدر مجهول ، قدر قديم و قدر منسئ وقدر الحب وقدر الوجع والشوق ولكل قدر حكايه ولكل حكايه صوت بينادي لطريقها وابرزهم صوت الحب
يتبع…
لقراءة الفصل التالي : اضغط هنا
الرواية كاملة اضغط على : (رواية إذا ناداك الحب)
تعليق واحد